Matvælaeftirlit
Leiðbeiningar / Fræðsla
Heilbrigðisnefnd gefur út starfsleyfi til fyrirtækja sem framleiða eða dreifa matvælum samkvæmt lögum nr. 93/1995 um matvæli, með síðari breytingum, en einnig til veitingastaða og gististaða samkvæmt lögum nr. 7/1998 um hollustuhætti og mengunarvarnir, með síðari breytingum.
Athygli er vakin á því að ef ætlunin er að reka gististað eða veitingastað þarf einnig að sækja um rekstrarleyfi til sýslumannsins á Suðurlandi eða Vestmannaeyjum.
Heilbrigðiseftirlit sveitarfélaga
Heilbrigðiseftirlit sveitarfélaganna fer með opinbert eftirlit með framleiðslu og dreifingu matvæla að undanskilinni þeirri starfsemi sem Matvælastofnun fer með eftirlit með skv. 6. gr. laga nr. 93/95. Eftirlitsaðila ber að framfylgja lögum um matvæli og vakta og sannprófa að stjórnendur matvælafyrirtækja uppfylli viðeigandi ákvæði í lögum um matvæli á öllum stigum framleiðslu vinnslu og dreifingar.
Heilbrigðiseftirlist sveitarfélaga:
- Stendur vörð um öryggi og heilnæmi matvæla með eftirliti með framleiðslu, dreifingu og sölu.
- Hefur eftirlit með innra eftirliti fyrirtækja.
- Hefur eftirlit með öflun og dreifingu neysluvatns og umgengni vatnsverndarsvæða
- Fylgir eftir að viðhald og umgengni um húsnæði og athafnasvæði matvælafyrirtækja sé í lagi
- Fylgist með því að farið sé að reglum um merkingar matvæla svo neytendur hafi sem gleggstar upplýsingar um næringargildi, innihaldsefni og geymsluþol vörunnar
- Hefur eftirlit með að notkun aukaefna og varnarefna í matvælum sé í samræmi við lög og reglugerðir
- Tekur sýni úr matvælum og framleiðslu umhverfi svo hægt sé að fylgjast með því að fyllsta hreinlætis sé gætt í fyrirtækinu og rétt sé staðið að framleiðslu og geymslu matvælanna
- Gefur umsagnir um rekstrarleyfi fyrir gististaði og veitingaleyfi sbr. lög nr. 85/2007
- Miðlar og dreifir fræðslu- og leiðbeiningarefni fyrir matvælafyrirtæki, starfsfólk þeirra og almenning
Hvaða fyrirtæki?
Vatnsveitur, kjötvinnslur, bakarí, garðyrkjustöðvar, ísgerð, kartöfluvinnslur og önnur framleiðslufyrirtæki, matvöruverslanir, sjoppur, veitingastaðir/skyndibitastaðir, hótel, mötuneyti, ferðaþjónusta með mat, skólar, dvalarheimili, sjúkrahús, flutningaaðilar ofl.