48. fundur Heilbrigðisnefndar Suðurlands haldinn miðvikudaginn
 

20. nóvember 2002 kl. 14.00 að Austurvegi 56, Selfossi.

Mætt: Jón Ó. Vilhjálmsson, formaður, Andrés Sigmundsson, Gunnar Þorkelsson, Þórhildur H. Þorleifsdóttir, Guðmundur Elíasson, Pétur Skarphéðinsson og Elsa Ingjaldsdóttir.

Jón Ó. Vilhjálmsson, formaður, Andrés Sigmundsson, Gunnar Þorkelsson, Þórhildur H. Þorleifsdóttir, Guðmundur Elíasson, Pétur Skarphéðinsson og Elsa Ingjaldsdóttir. Ennfremur Ingimar Sigurðsson, skrifstofustjóri Umhverfisráðuneytis, Valtýr Valtýsson, formaður SASS og Þorvarður Hjaltason, framkvæmdastjóri SASS.

Formaður bauð gesti og fundarmenn velkomna og gengið var til dagskrár.

1) Hlutverk heilbrigðisnefnda.

Ingimar Sigurðsson, skrifstofustjóri Umhverfisráðuneytisins fór yfir lög nr. 7/1998, hlutverk heilbrigðisnefnda, starf þeirra og stöðu í þjóðfélaginu. Fór hann ítarlega yfir helstu greinar laganna. Kom einnig inn á aðra löggjöf sem heyrir undir verksvið heilbrigðisnefnda. Hann greindi frá því að undir Umhverfisráðuneytið félli rúmlega 40% af ESB tilskipunum vegna samningsins um evrópskt efnahagssvæði.

Almennar umræður urðu í kjölfarið og fyrirspurnir til Ingimars.

2) Svör frá SASS, endurskoðuð fjárhagsáætlun og álit endurskoðunarnefndar SASS og tillögu að nýju skipuriti.

Valtýr Valtýsson, formaður SASS fór yfir álit endurskoðunarnefndar SASS og gerði grein fyrir helstu niðurstöðum endurskoðunarnefndarinnar og greindi frá því að þessar tillögur verði lagðar fyrir aukaaðalfund SASS til samþykktar. Hann fór einnig yfir tillögu að nýju skipuriti og útskýrði einstök atriði í því. Kom fram í máli hans að huga frekar að samskiptum SASS og Heilbrigðisnefndar í samstarfs- og samvinnuformi.

Kom fram í máli Ingimars að tillaga að skipuriti SASS væri villandi og gæfi ekki rétta mynd af hlutunum skv. lögum. Taldi hann eðlilegt að lína frá framkvæmdastjóra SASS niður í Heilbrigðiseftirlit færi burt en gerð yrði lína milli heilbrigðisnefndar í staðinn.

Urðu miklar umræður í kjölfarið um réttmæti skipuritsins og kom fram í máli fundarmanna efasemd um að skipuritið væri rétt uppsett.

Lagði formaður heilbrigðisnefndar fram annað form og hugmynd að nýju skipuriti.

Ingimar Sigurðsson vék af fundi.

Þorvarður Hjaltason gerði grein fyrir endurskoðaðri fjárhagsáætlun heilbrigðiseftirlitsins fyrir árið 2003 ásamt 10 mánaða uppgjöri ársins. Fór einnig yfir skiptingu skrifstofukostnaðar milli stofnana á Austurvegi 56.

Almennar umræður urðu um málið.

Gunnar Þorkelsson skýrði frá vinnu endurskoðunarnefndarinnar. Kom fram í máli hans að framkv.stjóri HES fengi aukna fjárhagslega ábyrgð.

Valtýr Valtýsson og Þorvarður Hjaltason véku af fundi.

3) Starfsleyfi til kynningar og afgreiðslu.

Starfsleyfin samþykkt án athugasemda, en starfsleyfi nr. 52 frestað þar til starfsleyfisskilyrði liggja fyrir.

Öðrum málum frestað til næsta fundar og fundi slitið kl. 18.00

Jón Ó. Vilhjálmsson Þórhildur H. Þorleifsd. Guðmundur Elíasson

Andrés Sigmundsson Gunnar Þorkelsson Pétur Skarphéðinsson

Elsa Ingjaldsdóttir