haldinn föstudaginn 22. febrúar 2013, kl. 13.00 að Austurvegi 65, Selfossi

 

Mætt: Gunnar Þorkelsson formaður, Svanborg Egilsdóttir, Unnsteinn Eggertsson, Valur Bogason, Páll Stefánsson, Pétur Skarphéðinsson, Guðmundur Geir Gunnarsson og Elsa Ingjaldsdóttir.

Formaður bauð fundarmenn velkomna og setti fund. Gengið var til dagskrár.

 1.      Starfsleyfi til kynningar og afgreiðslu

Nr	Heiti	Póstnr	Heimilsfang	Starfsleyfi	Áhættumat
1	Harpa ferðaskrifstofa ehf. v/útleigu sumarhúss	260	Reykjanesb.	Nýtt	lítill, 12 ár
2	Vínbúð Á.T.V.R. Kirkjubæjarklaustri	880	Kirkjubæjarkl.	Breyting á húnsnæði	1-lítil, 12 ár
3	Golfskálinn Selfossi Svarfhólsvöllur – Golfklúbbur Selfoss	801	Selfoss	Eigendaskipti	5-miðlungs, 12 ár
4	Garðyrkjustöðin Kvistar ehf.	801	Selfoss	Nýtt	1-lítil 12 ár
5	Humar og Skel ehf.	825	Stokkseyri	Eigendaskipti	10-Miðlungs, 12 ár
6	Hömlur ehf. v/niðurrifs	101	Reykjavík	tímabundið
7	Árborg v/Lengd viðvera fatlaðra	800	Selfoss	br. á húsnæði	lítill, 12 ár
8	HBTS ehf. – Hamborgarabúllan	800	Selfoss	Nýtt	10-Miðlungs, 12 ár
9	Ion Hotel ehf. – Nesjavöllum	801	Selfoss	Breyting á húsn./eigendask.	skilyrt til 3ja mánaða
10	Kaktus restaurant ehf.	800	Selfoss	Eigendaskipti	skilyrt til 3ja mánaða
11	Mýrdalshreppur v/Víkurskóla	870	Vík	Breyting á starfsemi	lítill, 12 ár
12	Reykjabúið v/Auðsholt	801	Selfoss	Breyting á starfsemi	br. á st.l.skilyrðum, sama starfsl.

Starfsleyfisumsóknir afgreiddar í samræmi við áhættumat.

 

 2.      Yfirlit.

a)      Gangur eftirlits.

Lagt fram til upplýsinga yfirlit reglubundins eftirlits frá síðasta fundi ásamt málaskrá.

b)      Ársreikningur 2012.

Lagður fram ársreikningur 2012 frá endurskoðanda. Elsa Ingjaldsdóttir fór yfir reikninginn og greindi frá helstu tölum.

Nefndin lýsir ánægju sinni með gott samræmi á milli fjárhagsáætlunar og niðurstöðu ársreiknings.

Samþykkt að vísa ársreikningi til skoðunarmanna HES.

 

 3.      Loftgæðamælingar – framhald síðasta fundar.

Lagt fram bréf OR dags. 15. febrúar sl. og bréf Umhverfisstofnunar, dags. í gær, bæði svarbréf við bókun Heilbrigðisnefndar Suðurlands þann 22. janúar sl. og varðar loftgæðamælingar fyrir árið 2012.

Í bréfi OR kemur fram að óvissa í mælingum, á H₂S í andrúmslofti, varðandi ársmeðaltal sé +/- 5µg/m³.

Í bréfi UST eru reifuð möguleg grunngildi H₂S í andrúmslofti en þau eru mjög óviss, alltaf þó einhver.

Eftirfarandi bókað:

,,Í ljósi fyrirliggjandi gagna og upplýsinga er það mat nefndarinnar að ekki sé forsenda til frekari athugasemda.  Heilbrigðisnefnd Suðurlands leggur áherslu á að umhverfið verði áfram vaktað með hag  íbúa að leiðarljósi.“

 

4.      Hótel Geysir – lokun sundlaugar.

Lagt fram bréf HES til fyrirtækisins, dags. 15. febrúar sl. þar sem ítrekuð er ákvörðun Heilbrigðisnefndar Suðurlands frá 15. október sl. um lokun sundlaugarinnar að Geysi.

Er fyrirtækinu gefinn stuttur frestur til að bregðast við en að öðrum kosti mun frekari þvingunaraðgerðum verða beitt.

Heilbrigðisnefnd Suðurlands staðfestir hér með framsettar kröfur HES og felur starfsmönnum að vinna í málinu í samræmi við valdsvið og þvingunarúrræði embættisins.

 

 5.      Beiðni um notkun rafeindagreiningartækis til sótthreinsunar á sundlaugarvatni.

Lögð fram beiðni fyrirtækisins ActivSure, dags. 5. október sl. um notkun á tæki, sem framleiðir klór með rafeindagreiningu á sundstað. Myndi tækið koma í stað notkunar á hefðbundinni klórlausn við innblöndun í baðvatn.

Jafnframt lagt fram bréf HES til fyrirtækisins um málið, dags. 10. október sl. þar sem farið var fram á svör við ákveðnum atriðum. Elsa Ingjaldsdóttir greindi auk þess frá fundi með forsvarsmönnum fyrirtækisins 31. janúar þar sem farið var yfir málið.

 

Með vísun í 17. grein reglugerðar nr. 814/2010 getur Heilbrigðisnefnd veitt leyfi til að nota aðrar aðferðir eða önnur efni en klór til sótthreinsunar á baðvatni. Hins vegar byggir umrætt tæki á framleiðslu klórs til sótthreinsunar og því ekki þörf á að veita sérstaka undanþágu vegna notkunar á klór framleiddum með rafeindagreiningu enda skal við sótthreinsunar baðvatns nota natríumhýpóklórít eða aðra viðurkennda klórgjafa.

 

Fleira ekki gert og fundi slitið kl. 15.15

Gunnar Þorkelsson, form.                   

Svanborg Egilsdóttir                

Páll Stefánsson

Pétur Skarphéðinsson                          

Unnsteinn Eggertsson               

Elsa Ingjaldsdóttir

Valur Bogason                                        

Guðmundur G. Gunnarsson