122. fundur Heilbrigðisnefndar Suðurlands haldinn miðvikudaginn 14. október kl. 20.00, Hótel Höfn, Hornafirði

Mætt: Jón Ó. Vilhjálmsson, Guðmundur Geir Gunnarsson, Gunnar Þorkelsson, Sigurður Ingi Jóhannsson, Elsa Ingjaldsdóttir, Birgir Þórðarson og Sigrún Guðmundsdóttir.

Pétur Skarphéðinsson, Ragnhildur Hjartardóttir og Viktor Pálsson boðuðu forföll.

1) Starfsleyfi til kynningar og afgreiðslu.

a) Ný og endurnýjuð

Öll starfsleyfin samþykkt nema nr. 36 og 37 samþykkt með fyrirvara um jákvæða afgreiðslu byggingafulltrúa. Engar áthugasemdir bárust á auglýsingatíma vegna starfsleyfisumsóknar nr. 38 sem verður því útgefin á grundvelli auglýstra starfsleyfisskilyrða.

Lagt fram til upplýsinga.

2) Kröfur um úrbætur.

a) Vilberg kökuhús, Selfossi.

Lögð fram bréf Heilbrigðiseftirlit Suðurlands dags. 29. september og 5. október sl. er varðar ítrekaðar kröfur um úrbætur og beitingu þvingunaraðgerða. Sigrún Guðmundsdóttir gerði frekari grein fyrir stöðu málsins.

b) Bakaríið Kökuval.

Lagt fram bréf Heilbrigðiseftirlit Suðurlands dags. 30. september er varðar ítrekaðar kröfur um úrbætur og beitingu þvingunaraðgerða. Sigrún Guðmundsdóttir gerði frekari grein fyrir stöðu málsins.

Heilbrigðisnefnd Suðurlands telur alvarleiki athugasemda eftirlitsins það miklar að starfsmönnum er falið að framfylgja úrbótum vegna beggja þessara fyrirtækja að fullum þunga og tryggja öryggi matvæla og neytenda í samræmi við stjórnsýslulög og valdsvið skv. lögum nr. 7/1998.

3) Flugklúbbur Selfoss.

Lagt fram bréf Flugklúbbs Selfoss dags. 29. september sl. varðandi hljóðstigsútreikninga vegna hávaða frá flugumferð.

Eftirfarandi bókað:

”Í ljósi framlagðra gagna telur Heilbrigðisnefnd Suðurlands að Flugklúbbur Selfoss hafi uppfyllt ákvæði í úrskurði úrskurðarnefndar um hollustuhætti og mengunarvarnir frá 22. desember 2008, enda liggi fyrir að hávaði frá flugumferð við flugvöll Selfoss sé langt undir þeim viðmiðunarmörkum sem gilda um hávaðatakmörk frá flugvöllum.

Í samræmi við ofannefnd úrskurðarorð skal Flugklúbbur Selfoss endurtaka mælingar árin 2010-2012 til þess að hægt verði að fylgjast með flugumferð“

4) Uppsetning mælistöðvar og niðurstöður mælinga í Hveragerði.

Elsa Ingjaldsdóttir lagði fram frumgögn yfir mæliniðurstöður brennisteinsvetnis frá loftgæðamæli sem Umhverfisstofnun setti upp í tilraunaskyni í Hveragerði.

Til samanburðar gerði Elsa einnig grein fyrir mælingum gerðum á höfuðborgarsvæðinu yfir sama tímabil. Á báðum þessum svæðum er sólarhringsstyrkur brennisteinsvetnis í andrúmslofti langt undir viðmiðunarmörkum WHO. Þó er nokkuð ljóst að í Hveragerði virðast mælast hærri gildi en á höfuðborgarsvæðinu.

Elsa upplýsti einnig um framkvæmd á uppsetningu varanlegrar mælistöðvar Orkuveitu Reykjavíkur í Hveragerði en sú framkvæmd er langt komin og stutt í mæligildi frá henni.

Heilbrigðisnefnd Suðurlands telur eðlilegt að eftirlitið hafi aðkomu og yfirsýn yfir þessa vöktun og fái fyrir það eðlilega þóknun enda er verkefnið umfram lögbundið hlutverk embættisins.

5) Aðalfundur HES og aðalfundargögn.

Farið yfir aðalfundargögn og aðalfundur HES undirbúinn.

Fleira ekki gert og fundi slitið kl. 22.00

Jón Ó. Vilhjálmsson
Sigurður Ingi Jóhannsson
Gunnar Þorkelsson
Guðmundur Geir Gunnarsson
Birgir Þórðarson
Sigrún Guðmundsdóttir
Elsa Ingjaldsdóttir