121. fundur Heilbrigðisnefndar Suðurlands haldinn fimmtudaginn 24. september 2009, kl. 13.00 að Austurvegi 56, Selfossi.

Mætt: Jón Ó. Vilhjálmsson, Gunnar Þorkelsson, Sigurður Ingi Jóhannsson, Pétur Skarphéðinsson, Guðmundur Geir Gunnarsson, Ragnhildur Hjartardóttir og Elsa Ingjaldsdóttir.

1) Starfsleyfi til kynningar og afgreiðslu

a) Ný og endurnýjuð
 

Öll starfsleyfin samþykkt nema nr. 29 og 31 samþykkt með fyrirvara um jákvæða úttekt heilbrigðisfulltrúa. Umsóknir nr. 19, 20 og 28 einnig samþykktar með fyrirvara um jákvæða afgreiðslu bygginganefndar. Afgreiðslu á umsókn nr. 21 frestað þar til eftir lögbundin auglýsingatíma.

b) tóbakssöluleyfi
 

Lagt fram til upplýsinga

2) Drög að fjárhagsáætlun 2010.

Lagðar fram 3 tillögur að fjárhagsáætlun fyrir árið 2010 og gerði framkvæmdastjóri grein fyrir þeim og forsendum þeirra.

Tillaga A gerir ráð fyrir aukningu stöðugilda vegna erfiðrar verkefnastöðu HES og mannaflaskorti við reglubundið eftirlit sbr. útreikninga á greiningu ársverka við heilbrigðiseftirlit sveitarfélaga.

Tillaga B gerir ráð fyrir jafnri hækkun eftirlitsgjalda og framlaga sveitarfélaga. Tillaga C gerir ráð fyrir engri hækkun á gjaldskrá en auknum framlögum sveitarfélaga.

Almennar umræður urðu um málið.

Samþykkt var að vísa tillögu B til afgreiðslu aðalfundar.

3) Drög að starfsskýrslu 2009.

Lögð fram drög að starfsskýrslu 2009. Drögin samþykkt og verður starfsskýrslan send út með aðalfundargögnum sbr. ákvæði í samþykktum Heilbrigðiseftirlit Suðurlands.

4) Ályktun fjárhagsnefndar SASS.

Lögð fram ályktun fjárhagsnefndar SASS frá 31. ágúst sl. þar sem fram kemur að fjárhagsnefnd SAS telji nauðsynlegt að skýra hlutverk nefndarinnar (fjárhagsnefndar) í samþykktum SASS og jafnframt að setja inn sambærileg ákvæði í samþykktir annarra stofnana um sameiginlega fjárhagsnefnd. Fjárhagsnefnd SASS telur það forsendu fyrir tilgangi og störfum nefndarinnar.

Heilbrigðisnefnd Suðurlands telur ekki þörf á breytingum á samþykktum HES en telur ekki óeðlilegt að á vegum sveitarfélaganna starfi fjárhagsnefnd milli ársþinga sem getur kallað eftir upplýsingum/gögnum frá stofnunum og þannig lagt fram tillögur/greinargerðir á ársþingi með það fyrir augum að ná sem mestu samræmi í rekstri viðkomandi stofnana.

5) Aðalfundur HES og Ársþing SASS.

Lögð fram drög að dagskrá aðalfundar HES og dagskrá ársþingsins. Framkvæmdastjóri gerði frekari grein fyrir fyrirkomulagi fundarins.

Drögin samþykkt.

Fleira ekki gert og fundi slitið kl. 14.30

Jón Ó. Vilhjálmsson
Pétur Skarphéðinsson
Sigurður Ingi Jóhannsson
Gunnar Þorkelsson
Guðmundur Geir Gunnarsson
Ragnhildur Hjartardóttir
Elsa Ingjaldsdóttir