119. fundur Heilbrigðisnefndar Suðurlands haldinn þriðjudaginn
2. júní 2009, kl. 13.00 að Austurvegi 56, Selfossi.

Mætt: Jón Ó. Vilhjálmsson, Viktor Pálsson, Gunnar Þorkelsson, Pétur Skarphéðinsson, Sigurður Ingi Jóhannsson, Oddur Árnason, Ragnhildur Hjartardóttir og Elsa Ingjaldsdóttir. Guðmundur Geir Gunnarsson boðaði forföll.

1) Starfsleyfi til kynningar og afgreiðslu

a) Ný og endurnýjuð

Nr.	Nafn	Póstfang	Starfsleyfi
1	Ökuskóli Suðurlands ehf	800 Selfoss	Endurnýjun
2	Nuddstofan Bati	850 Hella	Endurnýjun
3	Flóð og fjara ehf	825 Stokkseyri	Endurnýjun
4	Golfklúbbur Hveragerðis	810 Hveragerði	Ný starfsemi
5	Ferðaþjónusta Búðarhóli, Rangárþingi eystra	861 Hvolsvöllur	Endurnýjun
6	Golfskáli Öndverðanes (Múrarafélag Reykjavíkur)	801 Selfoss	Br. húsnæði
7	Hótel Eldhestar ehf,	810 Hveragerði	Endurnýjun
8	Suðurlandssól ehf	800 Selfoss	Endurnýjun
9	Vatnsból Akbraut, Landsveit	851 Hella	Endurnýjun
10	Art dekurstofa	810 Hveragerði	Endurnýjun
11	Hótel Klaustur	880 Kirkjub.kl.	Endurnýjun
12	Nautilus Ísland ehf v/ Sundhöll Selfoss	800 Selfoss	Ný starfsemi
13	Golfsk. Selfossi Svarfhólsvöllur – Matur og Músík	800 Selfoss	Endurnýjun
14	Hótel Hvítá – Fasteignafélagið Bær – (áður 1997)	801 Selfoss	Endurnýjun
15	Þjónustuíbúðir Selvogsbraut 1, Þorlákshöfn	815 Þorlákshöfn	Endurnýjun
16	Þjónustuíbúðir Vallholti 12-14	800 Selfoss	Endurnýjun
17	Þjónustuíbúðir Vallholti 9	800 Selfoss	Endurnýjun
18	Ferðaþjónustan Geirakoti	801 Selfoss	Endurnýjun
19	Gistiheimilið Fossnes	801 Selfoss	Ný starfsemi
20	Kaffi-Sel ehf	Efra-Seli	Endurnýjun
21	Reykjabúið hf v/Auðsholt Ölfusi	801 Selfoss	Endurnýjun
22	Reykjabúið hf v/Bakka Ölfusi	801 Selfoss	Endurnýjun
23	Reykjabúið hf v/Hjalla Ölfusi	801 Selfoss	Endurnýjun
24	Reykjabúið hf v/Lambhaga Ölfusi	801 Selfoss	Endurnýjun
25	Reykjabúið hf.v/Helludal Biskupstungum	801 Selfoss	Endurnýjun
26	VM-félag Vélstjóra og málmtæknimanna (sundlaug Flataskógi)	801 Selfoss	Endurnýjun
27	Grunnskóli Vestmannaeyja -Barnaskóli	900 Vestm.eyjar	Endurnýjun
28	Grunnskóli Vestmannaeyja – Hamrasskóli	900 Vestm.eyjar	Endurnýjun
29	Flugstoðir vegna Hellu	850 Hella	Eigendaskipti
30	Flugstoðir vegna Flúða	845 Flúðir	Eigendaskipti
31	KHN v/mötuneytis og starfsmannabúða	801 Selfoss	Ný starfsemi
32	KHN v/verkstæðis	815 Þorlákshöfn	Ný starfsemi
33	Sveitarfélagið Árborg v/Vinaminni	800 Selfoss	Ný starfsemi
34	Bandalag Íslenskra Farfugla Húsadal, Þórsmörk	861 Hvolsvöllur	Ný starfsemi
35	Sjoppan Sunnumörk	810 Hveragerði	Ný starfsemi
36	Holræsa og stífluþjónusta Suðurlands	800 Selfoss	Endurnýjun
37	Vatnsveita Stóra Hofi, Skeiða- og Gnúpv.hr	801 Selfoss	Endurnýjun
38	Félagsbúið Skarði sf v/ vatnsból	851 Hella	Endurnýjun
39	Pizza Islandia	800 Selfoss	Ný starfsemi
40	KBK ehf	880 Kirkjub.kl.	Ný starfsemi
41	Hvítasunnukirkjan – Kaffi Líf	800 Selfoss	Ný starfsemi
42	Pylsuvagninn Selfossi	800 Selfoss	Br.á húsnæði
43	Vorsabær 2 – gisting	801 Selfoss	Ný starfsemi
44	Bændamarkaður Flúðum	845 Flúðir	Ný starfsemi
45	Tjaldmiðstöðin Flúðum	845 Flúðir	Ný starfsemi

Öll starfsleyfin samþykkt en umsóknir nr. 35 og 39-43 samþykkt með fyrirvara um jákvæða úttekt heilbrigðisfulltrúa. Afgreiðslu starfsleyfisumsókna nr. 21-25 frestað þar til eftir auglýsingaferli.

b) Auglýst starfsleyfiskilyrði.

i) Svínabú, Haga.

Engar athugasemdir bárust á umsagnartímanum – Samþykkt að gefa út starfsleyfið skv. auglýstum starfsleyfisskilyrðum.

ii) Orkuveita Reykjavíkur v/endurnýjunar starfsleyfis Nesjavallavirkjunar.

– Ábendingar bárust með tölvupósti frá Páli Stefánssyni. Heilbrigðiseftirliti Hafnarfjarðar, Garðabæjar- og Kópavogssvæðis almenns eðlis um orðalag og skýringar.

– Frá Heilbrigðiseftirliti Reykjavíkur, dags. 6. apríl sl. þar sem bent er á að í 7. kafla komi hvergi.. ”fram að viðbragðsáætlun vegna mögulegrar mengunar eigi að liggja fyrir og gripið skuli til aðgerða skv. henni“.

– Frá Heilbrigðiseftirliti Kjósarsvæðis, dags. 31. mars sl. Um er að ræða almennar ábendingar varðandi innihald, uppsetning ofl. Ábendingarnar ber að skoða sem vangaveltur skv. undirrituðum.

– Frá Umhverfisstofnun dags. 21. apríl sl. þar sem settar eru fram athugsemdir varðandi einstaka liði skilyrðanna.

Heilbrigðisnefnd Suðurlands hefur farið yfir athugasemdirnar og samþykkir að gefa út starfsleyfi til Orkuveitu Reykjavíkur v/Nesjavallavirkjunar að teknu tilliti til ábendinga Umhverfisstofnunar í liðum 1-6 og 9-10 og ábendingu frá Kjósarsvæði er varðar að fella niður setningu í grein 1.3. Varðandi athugasemd HER um að vanti viðbragðsáætlun þá er bent á að í sama kafla, g.lið, er fjallað um að fyrirtækið setji sér reglur um viðbrögð við mengunaróhöppum ofl. Því er nú þegar slíkt ákvæði inn í starfsleyfisskilyrðunum.

iii) Viðauki við gildandi starfsleyfisskilyrði Orkuveitu Reykjavíkur v/Hellisheiðarvirkjunar.

Eftirfarandi athugasemdir/bréf bárust:

– Frá Umhverfisstofnun, dags. 21. apríl sl. en stofnunin telur að viðaukinn eigi að innihalda tilvitnun um að fara skuli eftir reglugerð um loftgæði

– Frá Heilbrigðiseftirliti Kjósarsvæðis, dags. 31. mars sl. um að rétt væri að setja fram markmið með mælingunum og að fjalla þarf betur um gerð veðurstöðva

– Frá Grímsnes- og Grafningshreppi, dags. 6. apríl sl. þar sem engar athugasemdir eru gerðar við auglýst starfsleyfisskilyrði.

– Frá Heilbrigðiseftirliti Reykjavíkur, dags. 6. apríl sl. þar sem, gerðar eru athugasemdir við tvær setningar; ”Skulu þessi mörk gilda við mælistöðina í Hveragerði og á höfuðborgarsvæðinu“ og ”Að sama skapi skal Umhverfissvið Reykjavíkurborgar bera ábyrgð á upplýsingagjöf til almennings fari styrkur brennisteinsvetnis yfir við mælistöð OR við höfuðborgarsvæðið“

Heilbrigðisnefnd Suðurlands fellst á sjónarmið og rök HER í málinu og samþykkir að taka út ofangreindar setningar enda hefur það ekki áhrif á innihald viðaukans og er hvorki til þess fallið að draga úr eða auka kröfur sem ætlað er að ná fram með viðaukanum.

Heilbrigðisnefnd Suðurlands telur ekki ástæðu til að setja inn tilvitnun um að fara skuli eftir reglugerð um loftgæði í viðaukann enda er fyrirtækinu skylt skv. starfsleyfi og starfsleyfisskilyrðum að fara eftir þeim reglugerðum sem gilda um starfsemina.

Nefndin telur ennfremur ekki ástæðu til að setja inn markmið mælinganna enda má ljóst vera að það sé til að tryggja betri loftgæði í nágrenni virkjunarinnar.

Heilbrigðisnefnd Suðurlands samþykkir að gefa út viðauka við starfsleyfisskilyrði Orkuveitu Reykjavíkur v/Hellisheiðarvirkjunar með ofangreindum breytingum.

c) Tóbakssöluleyfi

Nr.	Nafn	Póstfang	Tóbakssöluleyfi
1	Sjoppan Sunnumörk	810 Hveragerði	Ný starfsemi
2	Pizza Islandia	800 Selfoss	Ný starfsemi

Lagt fram til upplýsinga.

2) Gangur eftirlits.

a) Rekstraryfirlit frá áramótum- sjá lið nr. 6.

b) Reglubundið eftirlit.

Elsa Ingjaldsdóttir gerði grein fyrir gangi reglubundins eftirlits frá síðasta fundi.

c) Einstök málefni.

i) Förgun.

Lagt fram til upplýsinga bréf frá Almari Sigurðssyni, dags. 20. apríl sl. ásamt svarbréfi HES til hans, til MAST og til fyrirtækisins.

ii) Sveitamarkaðir.

Elsa Ingjaldsdóttir upplýsti nefndina um ”sveitamarkaði“ og vörur sem mætti selja á slíkum mörkuðum. Kom fram að unnar matvörur ss. heimabakstur, sultur ofl. væru að finnast á slíkum mörkuðum en til að selja slíka vöru þarf að taka út aðbúnað á framleiðslustað og veita starfsleyfi fyrir framleiðslunni.

3) Stjórnsýslukæra vegna eftirlits með starfsemi Lýsis.

Lögð fram stjórnsýslukæra, dags. 20. maí sl vegna eftirlits með starfsemi Lýsi, Þorlákshöfn. Ennfremur lagður fram tölvupóstur frá HES til formanns úrskurðarnefndar varðandi málið. Beðið verður með að gefa umsögn við kæruna þar til svör hafa borist við tölvupósti embættisins.

4) Lýsi – Staða eftirlits og erindi.

Lagt fram bréf Skipulags- og byggingafulltrúa Ölfus, dags. 30. apríl sl ásamt drögum að svarbréfi til hans. Ennfremur lagt fram bréf HES, dags. 27. apríl sl. til Lýsis og svarbréf Lýsis, dags. 4. maí sl. Einnig lagt fram bréf Heilbrigðiseftirlits Suðurlands, dags. 26. maí sl. til Lýsis.

Vinnuskjal um eftirlit vegna lyktar frá 1.-22. maí lagt fram. Elsa Ingjaldsdóttir fór yfir skráningu og gerði frekari grein fyrir stöðu málsins. Kom fram að daglega hefur verið farið og könnuð lykt á ákveðnum stöðum í Þorlákshöfn, hráefni skoðað og atriði er varða dreifingu mögulegrar lyktarmengunar skráð. Verður slíku eftirliti haldið áfram um óákveðin tíma.

5) Úrskurður vegna skipulags- og byggingamála Lýsis.

Lagður fram til upplýsinga, úrskurður úrskurðarnefndar skipulags- og byggingarmála þar sem ákvörðun bæjarráðs Ölfus um synjun á uppsetningu þvottaturna er felld úr gildi.

6) Tilkynning um meðferð máls- húsnæðisskoðun.

Lagt fram bréf HES, dags. 25. maí sl., til Dvergsmíð ehf./Guðjóns Bjarnasonar þar sem tilkynnt er um kröfu HES um að veitingu frests til leigjanda húsnæðisins í Mundakoti, Eyrarbakka til að flytja út þar sem húsnæðið hefur áður verið dæmt óíbúðarhæft. Hefur eigandi ekki nýtt andmælarétt sinn skv. stjórnsýslulögum.

Heilbrigðisnefnd Suðurlands samþykkir að fela framkvæmdastjóra frekari framgang málsins og beitingu þvingunaraðgerða á grundvelli laga nr. 7/1998 og í samræmi við stjórnsýslulög.

7) Húsnæðismál Vm.

Lagður fram tölvupóstur frá Páli Marvin, Þekkingarsetrinu, dags. 14. maí sl. um endurnýjun á húsaleigusamningi vegna aðstöðu HES að Strandvegi 50. Í tölvupóstinum kemur fram tillaga að áðurframlagðri hækkun deilist til helminga frá maí 2009 til ársloka en ná að fullu fram að ganga í janúar 2010

Heilbrigðisnefnd Suðurlands samþykkir að framlengja húsaleigusamning fram til næstu áramóta sbr. fyrirliggjandi tilboð.

8) Tillögur Fjárhagsnefndar vegna gjaldskráar, fjárhagsáætlunar og rekstur HES fyrir árið 2009.

Lögð fram endurskoðuð fjárhagsáætlun skv. tillögum fjárhagsnefndar og afgreiðslu HS ásamt minnispunktum frá framkvæmdastjóra.

Við endurskoðun hennar var tekið tillit til tillagna fjárhagsnefndar HES frá aðalfundi m.a. með eftirfarandi:

– Gjaldskrá hefur tekið gildi skv. afgreiðslu nefndarinnar og tillögum frá fjárhagsáætlun. Hækkun eftirlitsgjalda eins og kemur fram í fjárhagsáætlun er 10% eins og gert var ráð fyrir í upphafi. Hækkunin er þó 11% ef tekið er mið af tölum í ársreikningi.

– Allur rekstarkostnaður hefur verið miðaður við tölur í ársreikningi 2008 og gerir heildaráætlun nú ráð fyrir 150 þús króna lægri útgjöldum en í fyrra.

– Nefndarlaun hafa verið lækkuð í fjárhagsáætlun um þingfararkaup 7.5%. áhrifaríkari leið til sparnaðar hefur nefndin nú þegar hætt föstum mánaðarlegum fundum og fundar nú á 4-6 vikna fresti e. þörfum.

– Laun lækka um 5% ár ársgrunni skv. framlagðri fjárhagsáætlun. Ekki verður ráðið í sumarafleysingar og tekur lækkunin mið af tillögum fjárhagsnefndar og lækka í %hlutfalli við laun viðkomandi. Heildarlaunalækkun um 5% næst því með niðurskurði á afleysingar og skertum ráðningakjörum starfsmanna.

Til samræmis var horft til afgreiðslu stjórnar SASS, Skólaskrifstofu, Atvinnuþróunarfélagsins og Sorpstöðvar Suðurlands.

Heilbrigðisnefnd Suðurlands samþykkir endurskoðaða fjárhagsáætlun og felur framkvæmdastjóra að upplýsa fjárhagsnefnd um afgreiðslu á tillögum nefndarinnar. Framkvæmdastjóra einnig falið að gera nauðsynlegar breytingar á ráðningasamningum starfsmanna til að ná markmiðum fjárhagsáætlunarinnar vegna launaliða.

9) Önnur mál.

a) Framsal eftirlits.

Elsa Ingjaldsdóttir greindi frá fundi með framkvæmdastjórum heilbrigðiseftirlits sveitarfélaga í Umhverfisráðuneytinu þar sem fjallað var um framsal eftirlits frá Umhverfisstofnun til sveitarfélaga. Hún greindi einnig frá sameiginlegu bréfi framkvæmdastjóra HES til Umhverfisráðuneytis þar sem ráðuneytið var hvatt til að horft til hagkvæmni og fagþekkingar, sem og vilja sveitarfélaganna við framsal á eftirliti.

b) ESA fundur 25. júní.

Elsa Ingjaldsdóttir upplýsti nefndina um fyrirhugða úttekt ESA 22. -26. júní um kjöt og kjötvörur og þátttöku Heilbrigðiseftirlits Suðurlands í úttektinni.

c) OR v/mælistöðva.

Lagður fram tölvupóstur frá Orkuveitu Reykjavíkur, dags. 27. maí varðandi uppsetningu mælistöðva. Heilbrigðisnefnd Suðurlands samþykkir það sem fram kemur í tölvupóstinum og felur framkvæmdastjóra að upplýsa fyrirtækið í samræmi við umræðu á fundinum.

d) Starfsmannamál, sumarfrí ofl.

Elsa Ingjaldsdóttir greindi frá fyrirhuguðum sumarleyfum starfsmanna.

Fleira ekki gert og fundi slitið kl. 14.10

Næsti fundur ákveðin fimmtudaginn 13. ágúst n.k.

Jón Ó. Vilhjálmsson
Viktor Pálsson
Sigurður Ingi Jóhannsson
Gunnar Þorkelsson
Pétur Skarphéðinsson
Ragnhildur Hjartardóttir
Oddur Árnason
Elsa Ingjaldsdóttir