117. fundur Heilbrigðisnefndar Suðurlands haldinn þriðjudaginn 17. mars 2009, kl. 13.00 að Austurvegi 56, Selfossi.

Mætt: Jón Ó. Vilhjálmsson, Viktor Pálsson, Gunnar Þorkelsson, Pétur Skarphéðinsson, Guðmundur Geir Gunnarsson, Sigurður Ingi Jóhannsson, Ragnhildur Hjartardóttir og Elsa Ingjaldsdóttir.

1) Starfsleyfi til kynningar og afgreiðslu.

a) Ný og endurnýjuð

Nr.	Nafn	Póstfang	Starfsleyfi
1	Iðavellir – Suttungur ehf	810 Hveragerði	Eigendaskipti
2	Viðgerðir og þjónusta ehf	800 Selfoss	Endurnýjun
3	Hótel Hengill – Nesbúð ehf	212 Garðabær	Ný starfsemi
4	Landbúnaðarháskóli Íslands, Reykjum	810 Hveragerði	Endurnýjun
5	Ísaga ehf., Grímsnesi	104 Reykjavík	Endurnýjun
6	N1 Verslun , Hrísmýri 7, Selfossi.	800 Selfoss	Ný starfsemi
7	Vatnsból Ketilvöllum, Bláskógabyggð	801 Selfoss	Ný starfsemi
8	Vatnsból Miðdalskoti, Bláskógabyggð	801 Selfoss	Ný starfsemi
9	Rangárþing ytra v/Leikskólinn Heklukot	850 Hella	Br. á húsnæði
10	Skíðaskólinn í Kerlingafjöllum – Fannborg ehf., Hrunamannahreppi	170 Seltjarnarnes	Endurnýjun
11	Minniborgir ehf	801 Selfoss	Ný starfsemi
12	Vatnsból Hvammi, Ölfusi	801 Selfoss	Ný starfsemi
13	Vatnsveita Vaðnesi – Orkubú Vaðnes ehf	801 Selfoss	Ný starfsemi
14	Vesturbúð ehf	820 Eyrarbakki	Eigendaskipti
15	Formula 1 ehf	810 Hveragerði	Ný starfsemi
16	Helgafell Kiwanisklúbbur	900 Vestmannaeyjar	Endurnýjun
17	Rangárhöllin ehf	850 Hella	Br. á starfsemi
18	Menam	800 Selfoss	Endurnýjun
19	Bíliðjan ehf	815 Þorlákshöfn	Endurnýjun
20	Leikskólinn Kirkjugerði	900 Vestmannaeyjar	Endurnýjun
21	Litla Strönd – Magnús Elvar Viktorsson	900 Vestmannaeyjar	Ný starfsemi
22	Vatnsból Raufarfelli	861 Hvolsvöllur	Ný starfsemi
23	Gljásteinn ehf v/Gistiskála í Myrkholti	801 Selfoss	Ný starfsemi
24	Hveragerðisbær v/Hreinsivirki fráveitu	810 Hveragerði	Endurnýjun
25	Árborg v/Ragnar Sigurjónss. meindýraeyði	800 Selfoss	Ný starfsemi
26	Hótel Eyjar – VIP Drífandi ehf	900 Vestmannaeyjar	Br. á húsnæði
27	Zentral Pizza	815 Þorlákshöfn	Eigendaskipti
28	Árborg v/Smiðjan- Þjónustu- og nýsköpunarsmiðja	800 Selfoss	Ný starfsemi
29	Ögmundur Ólafsson ehf	870 Vík	Endurnýjun
30	Alviðra umhverfisfræðslusetur	801 Selfoss	Br. á starfsemi
31	Al bakstur ehf	810 Hveragerði	Ný starfsemi
32	Bílamálun Robba ehf.	800 Selfoss	Ný starfsemi
33	Rangárþing eystra v/ vatnsveita V Landeyjar – Tungnaveita	860 Hvolsvöllur	Endurnýjun
34	Vatnsból Stærri bæ	801 Selfoss	Endurnýjun
35	Vatnsveitan Berglind, Ölfusi	815 Þorlákshöfn	Endurnýjun
36	Vatnsveita Þorlákshafnar	815 Þorlákshöfn	Endurnýjun

Öll starfsleyfin samþykkt nema nr. 23, 26, 30 og 31 samþykkt með fyrirvara um jákvæða úttekt heilbrigðisfulltrúa.

b) Breyting á starfsleyfisskilyrðum.

i) Breyting á starfsleyfisskilyrðum Reykjagarðs.

Lögð fram breyting á starfsleyfisskilyrðum Reykjagarðs vegna Ásmundarstaða. Um er að ræða nýja grein nr. 3.9 sem tekur á tilkynningaskyldu fyrirtækisins ef upp koma sýkingar og förgun úrgangs við slíkar aðstæður.

Heilbrigðisnefnd Suðurlands samþykkir framlagðar breytingar og felur framkvæmdastjóra að breyta starfsleyfisskilyrðum annarra alifuglabúa til samræmis við ofangreinda afgreiðslu.

ii) Viðauki við starfsleyfisskilyrði Orkuveitu Reykjavíkur. v/Hellisheiðarvirkjunar varðandi mælinga á brennisteinsvetni.

Lögð fram breyting á starfsleyfisskilyrðum Orkuveitu Reykjavíkur er varðar nýjan viðauka við núgildandi starfsleyfisskilyrði. Í viðaukanum eru sett skilyrði um uppsetningu mælistöðva í samræmi við áðurgerðar kröfur Heilbrigðiseftirlit Suðurlands. Ennfremur koma fram atriði er varðar upplýsingaskyldu til almennings.

Heilbrigðisnefnd Suðurlands samþykkir að auglýsa framlagðan viðauka sbr. reglugerð 785/1999 um starfsleyfi fyrir atvinnurekstur sem getur haft í för með sér mengun.

iii) Endurnýjun starfsleyfis Orkuveitu Reykjavíkur v/ Nesjavalla.

Lögð fram endurskoðuð starfsleyfisskilyrði fyrir Orkuveitu Reykjavíkur v/Nesjavallavirkjunar en um endurnýjun er að ræða. Breytingar hafa verið gerðar á starfleyfisskilyrðunum og sett inn ítarlegri ákvæði er varða loftgæðavöktun og frárennsli.

Heilbrigðisnefnd Suðurlands samþykkir að setja framlögð starfsleyfisskilyrði í auglýsingu sbr. reglugerð 785/1999 um starfsleyfi fyrir atvinnurekstur sem getur haft í för með sér mengun.

2) Samþykktir og gjaldskrár sveitarfélaga.

Samþykktir.

i) Samþykkt um kattahald í Árborg.

Lagt fram bréf HES, þar sem fram kemur jákvæð afgreiðsla á erindinu.

Gjaldskrár.

ii) Gjaldskrá fyrir fráveitu og hreinsun rotþróa í Bláskógabyggð.

Lagt fram bréf HES, þar sem fram kemur jákvæð afgreiðsla á erindinu.

iii) Gjaldskrá fyrir sorphirði og meðhöndlun úrgangs í Bláskógabyggð.

Lagt fram bréf HES, þar sem fram kemur jákvæð afgreiðsla á erindinu.

iv) Gjaldskrá fyrir fráveitur og sorp í Mýrdalshreppi.

Lagt fram bréf HES, þar sem fram kemur jákvæð afgreiðsla á erindinu.

v) Gjaldskrár fyrir sorphirðu, hunda- og katthald í Rangárþingi eystra 2009.

Lagt fram bréf HES, þar sem fram kemur jákvæð afgreiðsla á erindinu.

vi) Gjaldskrár fyrir sorphirðu/sorpförgun og hundahalds í Skaftárhreppi.

Lagt fram bréf HES, þar sem fram kemur jákvæð afgreiðsla á erindinu.

vii) Breyting á gjaldskrá vegna sorphirðu í Árborg.

Lagt fram bréf HES, þar sem fram kemur jákvæð afgreiðsla á erindinu.

viii) Gjaldskrá fyrir fráveitu og rotþróargjald í Mýrdalshreppi.

Lagt til að gjaldskráin verði samþykkt án athugasemda.

Heilbrigðisnefnd Suðurlands samþykkir framlagðar afgreiðslur.

3) Gangur eftirlits.

a) Rekstararyfirlit frá áramótum.

Elsa Ingjaldsdóttir fór yfir rekstrareikning HES frá áramótum. Kom fram að sveitarfélögin hafa greitt framlög samkvæmt álagningu síðasta árs en fjárhagsnefnd skipuð á aðalfundi hefur ekki enn skilað af sér áliti um gjaldskrá og eftirlitsgjöld til fyrirtækja. Beðið er með alla innheimtu þar til fjárhagsnefnd hefur skilað af sér.

b) Reglubundið eftirlit.

Elsa Ingjaldsdóttir fór yfir gang reglubundins eftirlits og málaskrá HES.

4) Uppsögn leigusamnings í Vestmannaeyjum.

Lagt fram bréf samstarfsnefndar HÍ og Vestmannaeyjabæjar um uppsögn leigusamnings við HES og tilboð að nýjum samningi sem felur í sér 22% hækkun. Elsa greindi einnig frá upplýsingum varðandi leigukostnað Atvinnuþróunarfélagsins í sama húsnæði auk þjónustu og annarra upplýsinga.

Almennar umræður urðu um málið og samþykkt að kanna frekari kosti í stöðunni.

Ennfremur fjallað um eftirlitshlutfall starfsmanna og fjölda fyrirtækja á hvern starfsmann eftir staðsetningu. Kom fram að hlutfall fjölda fyrirtækja á stöðugildi út í Vestmannaeyjum er minna en að jafnaði annars staðar á starfssvæðinu.

Framkvæmdastjóra falið að leggja fram kostnað pr. eftirlitsferð á hvern starfsmann fyrir næsta fund nefndarinnar. Nefndin ítrekar einnig í ljósi fjárhagsmálefna HES að nauðsynlegt sé að dreifa vinnuálagi jafnt á starfsmenn og þannig gera þeim kleift að sinna lögbundnum skyldum sínum.

5) Yfirlit matvælaeftirlits 2008 og eftirlitsverkefni 2009.

Lagt fram til upplýsinga yfirlit matvælaeftirlits og eftirlitsverkefni ársins 2009 í matvælaeftirliti.

6) Ársreikningur 2008.

Lagður fram ársreikningur HES fyrir árið 2008 frá endurskoðanda.

Heilbrigðisnefnd Suðurlands samþykkir ársreikninginn fyrir sitt leiti og vísar honum til formlegar afgreiðslu næsta aðalfundar.

7) Önnur mál.

a) Umsögn HES við matvælafrumvarpið.

Undir þessum lið vék Viktor Pálsson af fundi.

Lagt fram til upplýsinga bréf HES, dags. 2. mars sl. til nefndasviðs alþingis sem umsögn embættisins við matvælafrumvarpinu.

Heilbrigðisnefnd Suðurlands tekur undir allt það sem fram kemur í umsögn Heilbrigðiseftirlit Suðurlands um matvælafrumvarpið og ítrekar að aukin skörun og kostnaður í eftirliti sé ekki af hinu góða.

b) Lýsi v/lýsisvinnslu.

Lagt fram bréf HES, dags. 13. mars sl. til Lýsis v/lýsisvinnslu og varðar fráveitumál. Í bréfinu er m.a. veittur frestur til úrbóta vegna fráveitu fyrirtækisins.

Fleira ekki gert og fundi slitið kl. 14.50

Jón Ó. Vilhjálmsson
Viktor Pálsson
Sigurður Ingi Jóhannsson
Gunnar Þorkelsson
Pétur Skarphéðinsson
Guðmundur G. Gunnarsson
Ragnhildur Hjartardóttir
Elsa Ingjaldsdóttir