116. fundur Heilbrigðisnefndar Suðurlands haldinn þriðjudaginn 27. janúar 2009, kl. 13.00 að Austurvegi 56, Selfossi.

Mætt: Jón Ó. Vilhjálmsson, Viktor Pálsson, Gunnar Þorkelsson, Pétur Skarphéðinsson, Guðmundur Geir Gunnarsson, Sigurður Ingi Jóhannsson, Ragnhildur Hjartardóttir og Elsa Ingjaldsdóttir.

1) Starfsleyfi til kynningar og afgreiðslu

Starfsleyfin samþykkt án athugasemda nema starfsleyfisumsóknir nr. 1-3, 6, 9-13 og 60 samþykkt með fyrirvara um jákvæða úttekt heilbrigðisfulltrúa.

2) Samþykktir og gjaldskrár sveitarfélaga.

a) Samþykktir.

i) Breyting á samþykkt um sorphirðu og meðhöndlun úrgangs í Flóahreppi nr. 171/2007.

Samþykkt án athugasemda.

b) Gjaldskrár.

i) Breyting á gjaldskrá fyrir sorphirðu og sorpeyðingu í Flóahreppi nr. 174/2007.

Samþykkt án athugasemda.

ii) Gjaldskrá fyrir meðhöndlun úrgangs í Vestmannaeyjum.

Heilbrigðisnefnd Suðurlands felur framkvæmdastjóra að afla frekari rökstuðnings við gjaldskrá og skýringa í samræmi við umræðu á fundinum.

iii) Gjaldskrá fyrir sorphirðu og sorpeyðingu í Árborg.

Samþykkt án athugasemda.

3) Gangur eftirlits.

a) Rekstararyfirlit ársins 2008.

Elsa Ingjaldsdóttir fór yfir rekstarreikning ársins 2008. Ársreikningur liggur ekki fyrir. Fyrirliggur að halli verði á rekstri embættisins og er helstu skýringa að leita í lægri tekjum en áætlað var, hærri launakostnaði og hærri rekstarkostnaði bifreiða.

b) Reglubundið eftirlit

Elsa Ingjaldsdóttir greindi frá gangi reglubundins eftirlits frá síðasta fundi nefndarinnar.

4) Eftirlitsáætlun 2009.

Lögð fram eftirlitsáætlun fyrir árið 2009 og skiptingu milli starfsmanna.

5) Samantekt eftirlits vegna ársins 2008.

Lögð fram samantekt vegna eftirlits á árinu 2008 þar sem fram kemur m.a. fjöldi útgefinna starfs- og tóbaksleyfa, fjöldi mála og tegundir þeirra.

6) Endurskoðuð fjárhagsáætlun 2009 og útsending reikninga.

Farið var yfir tillögur fjárhagsnefndar aðalfundar HES og mögulegar lausnir við útfærslu fjárhagsáætlunar ársins 2009. Elsa greindi frá fundi framkvæmdastjóra og forstöðumanna á hæðinni í morgun og vilja til að koma á fyrirhuguðum fundi með fjárhagsnefnd sem fyrst.

7) Úrskurður Umhverfisráðuneytis vegna Flugklúbbs Selfoss.

Lagður fram úrskurður Umhverfisráðuneytis dags. 22. desember sl. varðandi útgáfu starfsleyfis til handa Flugklúbbi Selfoss. Í úrskurðinum er fallist á ákvörðun Heilbrigðisnefndar Suðurlands um útgáfu starfsleyfisins en bæta skal inn í starfsleyfisskilyrðin málsgrein er lýtur að framkvæmd hávaðamælinga sem Flugklúbbur Selfoss skal láta gera auk tilvísunar í reglur Flugmálahandbókar AIP um Selfossflugvöll.

Framkvæmdastjóra falið að breyta starfsleyfisskilyrðum í samræmi við úrskurðarorð.

Fleira ekki gert og fundi slitið kl. 14.20

Jón Ó. Vilhjálmsson
Viktor Pálsson
Sigurður Ingi Jóhannsson
Gunnar Þorkelsson
Pétur Skarphéðinsson
Guðm. G. Gunnarsson
Ragnhildur Hjartardóttir
Elsa Ingjaldsdóttir