111. fundur Heilbrigðisnefndar Suðurlands haldinn þriðjudaginn

26. ágúst 2008, kl. 13.00 að Austurvegi 56, Selfossi

Mætt:

Jón Ó. Vilhjálmsson, Ragnhildur Hjartardóttir, Viktor Pálsson, Gunnar Þorkelsson, Pétur Skarphéðinsson, Guðmundur Geir Gunnarsson og Elsa Ingjaldsdóttir. Ennfremur sat fundinn, undir 1. lið, Guðjón Ægir Sigurjónsson, lögfræðingur. Sigurður Ingi Jóhannsson boðaði forföll.

1) Lýsi hf.

Lagt fram bréf Umhverfisráðuneytis dags. 8. júlí sl. ásamt afriti af 4 stjórnsýslukærum, frá Jónu Guðlaugsdóttur, dags. 20. júní sl., Lögmönnum Suðurlandi f.h. Sveitarfélagsins Ölfus, dags. 1. júlí sl., Sigurði G. Guðjónssyni f.h. Unu Árnadóttur, dags. 4. júlí sl. og Hafdísi Sigurðardóttur, dags. 20. júní sl.

Óska ráðneytið eftir umsögn nefndarinnar á kærunum.

Lögð fram drög að svarbréfi Heilbrigðisnefndar til ráðuneytisins.

Samþykkt að fela Málflutningsskrifstofunni að svara erindinu í samræmi við framlögð gögn.

2) Starfsleyfi til kynningar og afgreiðslu

Öll starfsleyfin samþykkt nema nr. 15 og 17 eru samþykkt með fyrirvara um afgreiðslu byggingafulltrúa.

Ennfremur lagt fram til upplýsinga listi yfir tímabundin starfsleyfi sem þegar hafa verið afgreidd:

3) Gangur eftirlits.

a) Rekstraryfirlit.

Lagt fram til upplýsinga rekstraryfirlit eftirlitisins frá áramótum til 20. ágúst sl. Framkvæmdastjóri gerði frekari grein fyrir stöðunni. Ljóst er að einstaka liðir fjárhagsáætlunar fara fram úr áætlun.

b) Reglubundið eftirlit og málaskrá.

Framkvæmdastjóri fór yfir gang reglubundins eftirlits og málaskrá HES frá síðasta fundi nefndarinnar. Lagt fram til upplýsinga.

4) Aðgerðaráætlun Heilbrigðiseftirlit Suðurlands vegna verndarsvæðis Þingvalla.

Lögð fram afgreiðsla Umhverfisráðuneytis dags. 14. ágúst sl. þar sem samþykkt er aðgerðaráætlun Heilbrigðisnefndar Suðurlands um verndun vatns sbr. reglugerð nr. 650/2006 um framkvæmd verndurnar vatnasviðs og lífríkis Þingvallavatns. ennfremur lögð fram aðgerðaráætlunin sjálf sem nú hefur öðlast gildi.

Framkvæmdastjóri greindi einnig frá fundi með ráðherra ásamt formanni og framkvæmdastjóra SASS, þar sem ráðherra var gerð grein fyrir vandamálum við útfærslu og framkvæmd reglugerðarinnar.

Eftirfarandi bókað:

„Heilbrigðisnefnd Suðurlands leggur áherslu á að gerð verði úttekt á svæðinu í samvinnu við íslenska ríkið, viðkomandi sveitarfélög og Þingvallanefnd. Heilbrigðisnefnd Suðurlands bendir á nauðsyn á umhverfisvöktun og upplýsingaöflun um ástand svæðisins og er nefndin tilbúin til að leggja sitt af mörkum þegar fjármagn fæst. Telur Heilbrigðisnefnd Suðurlands nauðsynlegt að funda með ofangreindum aðilum og er framkvæmdastjóra falið að koma á slíkum fundi.“

5) Sveitarfélagið Árborg – beiðni um umsögn vegna breytingu á takmörkun á flugumferð.

Lagt fram bréf Sveitarfélagsins Árborgar, dags. 8. ágúst sl. ásamt afriti af beiðni og greinargerð Flugklúbbs Selfoss, þar sem óskað er eftir að takmörkunum á flugumferð verði breytt þannig að einungis flugtök verði bönnuð milli 23.00 og 07.00.

Heilbrigðisnefnd Suðurlands fellst á þau sjónarmið sem koma fram í greinargerð Flugklúbbsins og telur að lendingar á umræddum tíma sólarhrings skapi ekki ónæði fyrir nærliggjandi íbúabyggð. Slíkt er einnig í samræmi við takmarkanir á flugumferð annarra flugvalla.

6) Úrskurður um upplýsingamál.

Lagður fram úrskurður úrskurðarnefndar um upplýsingamál, dags. 19. ágúst sl. er varðar kæru Einars H. Jónssonar vegna synjunar HES um afhendingu tiltekinna gagna. Í úrskurðinum kemur fram að HES skuli afhenda 10 skjöl af 26 þrátt fyrir að umrædd skjöl skuli teljast vinnuskjöl skv. 4. grein upplýsingalaga enda ekki að finna umbeðnar upplýsingar í öðrum gögnum.

Heilbrigðisnefnd Suðurlands felur framkvæmdastjóra að senda viðkomandi umrædd gögn í samræmi við úrskurð.

7) Annað.

a) Húsnæðisskoðun.

Lagt fram til upplýsinga bréf Heilbrigðiseftirlits Suðurlands dags. 23. júlí sl. er varðar húsnæðisúttekt.

Fleira ekki gert og fundi slitið kl. 14.36

Jón Ó. Vilhjálmsson
Ragnhildur Hjartardóttir
Viktor Pálsson
Gunnar Þorkelsson
Pétur Skarphéðinsson
Elsa Ingjaldsdóttir
Guðmundur Geir Gunnarsson