Heilbrigðisnefnd Suðurlands hefur tekið ákvörðun um færslu starfsleyfis Brúnar ehf., kt. 6511200470, til Kraftfugls ehf., kt. 6901240920, skv. umsókn rekstraraðila um endurnýjun starfsleyfis vegna eigendaskipta. Um er að ræða breytingu á starfsleyfi, sbr. 5. gr. reglugerðar nr. 550/2018, um losun frá atvinnurekstri og mengunarvarnareftirlit, en hvorki er um að ræða breytingar á starfseminni, staðsetningu hennar né starfsleyfisskilyrðum.  Starfsleyfið hefur verið endurútgefið með sama gildistíma og áður, sjá hér.

Vakin er athygli á því að samkvæmt 1. mgr. 65. gr. laga nr. 7/1998 um hollustuhætti og mengunarvarnir, er heimilt að vísa ákvörðun heilbrigðisnefndar máli þessu til úrskurðarnefndar umhverfis- og auðlindamála. Um aðild, kærufrest, málsmeðferð og annað er varðar kæru til úrskurðarnefndar umhverfis- og auðlindamála fer skv. lögum nr. 130/2011 um úrskurðarnefnd umhverfis- og auðlindamála. Kæra til úrskurðarnefndarinnar frestar ekki réttaráhrifum ákvörðunarinnar, sbr. 5. gr. ofangreindra laga.

Frestur til að vísa málinu til úrskurðarnefndar umhverfis- og auðlindamála er einn mánuður frá því kæranda varð kunnugt eða mátti vera kunnugt um ákvörðunina. Kæra skal vera skrifleg og undirrituð.