126. fundur Heilbrigðisnefndar Suðurlands haldinn miðvikudaginn 12. maí 2010, kl. 15.00 að Austurvegi 56, Selfossi.

Mætt: Jón Vilhjálmsson, formaður, Gunnar Þorkelsson, Viktor Pálsson, Guðmundur Geir Gunnarsson, Sigurður Ingi Jóhannsson, Pétur Skarphéðinsson, Elsa Ingjaldsdóttir og Sigrún Guðmundsdóttir.Ragnhildur Hjartardóttir boðaði forföll.

1) Starfsleyfi til kynningar og afgreiðslu

a) Ný og endurnýjuð

Öll starfsleyfin samþykkt nema starfsleyfisumsóknir nr.19, 20, 21, 22, 23, 27 eru samþykktar með fyrirvara um jákvæða úttekt heilbrigðisfulltrúa og umsóknir nr. 21 og 22 eru samþykktar með fyrirvara um jákvæða afgreiðslu byggingafulltrúa.

b) tóbakssöluleyfi

Lagt fram til kynningar.

2) Eldgos í Eyjafjallajökli.

a) Aðkoma og verkefni HES – farið yfir glærur um efnið á fundinum.

Framkvæmdastjóri fór yfir upplýsingar um vatnsból á svæðinu kringum Eyjafjallajökul og vöktun og einnig vegna vöktunar á svifryki. Starfsmenn heilbrigðiseftirlitsins hafa vaktað neysluvatn á gossvæðinu. Óttast hefur verið um mengun neysluvatns vegna flúors, en mælingar hafa sýnt fram á að ekki er ástæða til að óttast flúormengun á neysluvatni. Starfsmenn heilbrigðiseftirlits hafa tekið þátt í 11 íbúafundum með Almannavörnum í tengslum við eldgosið í Eyjafjallajökli. Ljóst er að gosið hefur þegar haft mikil áhrif á íbúa og fyrirtæki á svæðinu.

i) Starfshópur á vegum SLR

Settur hefur verið starfshópur á vegum Sjávarútvegs- og landbúnaðarráðuneytisins með aðkomu heilbrigðiseftirlitsins.

ii) Stýrihópur um vöktun flúors

Einnig með aðkomu heilbrigðiseftirlits sem er ætlað að einfalda og samræma vöktun vegna flúors í neysluvatni, ösku, yfirborðsvatni ofl.

iii) Mælingar á SO₂

Vöktun er á 10 stöðum.

b) Áhrif á önnur verkefni, fjárhag ofl. – sjá lið 3 og nánari upplýsingar lagðar fram á fundinum.

Framkvæmdastjóri gerði grein fyrir áhrifum eldgossins í Eyjafjallajökli á dagleg störf hjá Heilbrigðiseftirliti Suðurlands. Framkvæmdastjóri óskaði eftir að fá að ráða starfsmann í einfaldari eftirlitsverkefni og verkefni sem tengjast gosinu vegna mikils vinnuálags og þungrar verkefnastöðu.

Heilbrigðisnefnd Suðurlands samþykkir samhljóða að ráðið verði í eitt stöðugildi sumarafleysinga.

3) Reglubundið eftirlit.

a) Reglubundið eftirlit og málaskrá

Farið yfir gang reglubundins eftirlits og málaskrá. Framkvæmdastjóri gerði frekari grein fyrir stöðunni og lagði fram frekari upplýsingar á fundinum.

Fleira ekki gert og fundi slitið kl. 16.05

Jón Ó. Vilhjálmsson
Sigurður Ingi Jóhannsson
Gunnar Þorkelsson
Guðmundur Geir Gunnarsson
Viktor Pálsson
Pétur Skarphéðinsson
Elsa Ingjaldsdóttir
Sigrún Guðmundsdóttir