36. fundur Heilbrigðisnefndar Suðurlands haldinn þriðjudaginn 23. október 2001 kl. 14.00 að Strandvegi 50, Vestmannaeyjum.

 Mætt: Heimir Hafsteinsson formaður, Íris Þórðardóttir, Svanborg Egilsdóttir, Gunnar Þorkelsson, Sesselja Pétursdóttir.  Ennfremur Pétur Skarphéðinsson og Elsa Ingjaldsdóttir auk Þorvarðar Hjaltasonar sem sat hluta af fundi.

Formaður setti fund og bauð gesti velkomna.

1)      Samráðsfundur forráðamanna Vestmannaeyjabæjar og Heilbrigðisnefndar Suðurlands.

Á fundinn mættu Páll Einarsson, bæjarritari, Ólafur Ólafsson, bæjartæknifræðingur og Ívar Atlason frá Bæjarveitum Vestmannaeyja.

Gerði Ívar grein fyrir ástandi sorpmála og urðu í kjölfarið umræður um mengunarvarnir sorpbrennslustöðvarinnar auk umhverfishreinsunar á vegum bæjarfélagsins. Fram kom að fyrirhugað er að gera geymslusvæði við Sorpbrennslustöðina sem aðstöðu fyrir fyrirtæki til að geyma hluti sem ekki á að farga.

Ólafur kynnti og útskýrði fráveituáætlun Vestmannaeyjabæjar. Mikil vinna hefur farið í að greina og safna saman upplýsingum og meta ástand fráveitulagna. Í dag eru 2 aðalútrásir, ein á Eiðinu og önnur við golfvöllinn en fyrirhugað er að leggja hana niður. Úr fráveitukerfinu koma ca. 154 þúsund p.e. og er heildarkostnaður við fráveituframkvæmdir áætlaður í kringum 300 milljónir.

Almennar umræður urðu um áætlunina og voru fundarmenn sammála um að áætlunin væri bæði ítrleg og greinargóð.

Formaður þakkaði gestunum  fyrir og véku þeir síðan af fundi.

2)      Drög að fjárhagsáætlun og breyting á gjaldskrá og eftirlitsáætlun lögð fram til kynningar.

Lögð fram fyrstu drög að fjárhagsáætlun, eftirlitsáætlun og breytingu á gjaldskrá. Þorvarður Hjaltason fór yfir helstu tölur og útskýrði breytingar. Kom fram að nokkrar breytingar verða vegna endurskoðunar á gjaldskrá, v/starfslokasamnings og einnig vegna almennra launahækkana. Hann greindi einnig frá að rekstur heilbrigðiseftirlitsins væri góður og mikil samvinna væri við framkvæmdastjóra vegna fjárhagsáætlunar og gjaldskrármála.

Elsa Ingjaldsddóttir útskýrði drög að nýrri gjaldskrá og eftirlitsáætlun. Fram kom að tímagjald eftirlitsins hækkar um 1.216.- kr og sýnatökukostnaður um 2.000.- kr. Eru þessar hækkanir til að mæta hækkun á rannsóknarkostnaði auk almennra hækkana en gjaldskráin hefur verið óbreytt í 3 ár.

Afgreiðslu og umræðum frestað til næsta fundar en drögin þurfa að liggja fyrir á aukafundi SASS sem haldinn verður 30. nóvember nk.

3)      Starfsleyfi til kynningar og afgreiðslu.

Nafn	Póstfang	Starfsleyfi
Blómakaffi-Alvörukonur ehf	800 Selfoss	21-sep-2001
Heilsukostur ehf.	810 Hveragerði	24-sep-2001
Bókabúðin	900 Vestmannaeyjar	27-sep-2001
Hárnýjung, hársnyrtistofa	815 Þorlákshöfn	27-sep-2001
Gámaþjónusta Vestm.ehf.(Sorpa)	900 Vestmannaeyjar	1-okt-2001
J.R. verktakar ehf.	900 Vestmannaeyjar	1-okt-2001
Tréverk	900 Vestmannaeyjar	1-okt-2001
Bílaverkstæði Sigurjóns	900 Vestmannaeyjar	3-okt-2001
Hákollur ehf.- Þv.hús. Straumur	900 Vestmannaeyjar	3-okt-2001
Hjólbarðastofan sf.	900 Vestmannaeyjar	3-okt-2001
Húsey ehf.	900 Vestmannaeyjar	3-okt-2001
Vélsmiðjan Völundur ehf.	900 Vestmannaeyjar	3-okt-2001
Örn ehf. (Erlendur P)	900 Vestmannaeyjar	3-okt-2001
Ágúst Hreggviðsson	900 Vestmannaeyjar	3-okt-2001
2 Þ ehf.	900 Vestmannaeyjar	5-okt-2001
Miðstöðin ehf.	900 Vestmannaeyjar	5-okt-2001
Sprossi	900 Vestmannaeyjar	5-okt-2001
Áhaldaleigan ehf.	900 Vestmannaeyjar	15-okt-2001
Brimnes ehf.	900 Vestmannaeyjar	15-okt-2001
Eyjablikk ehf.	900 Vestmannaeyjar	15-okt-2001
Eyjabúð-bygg.vöruverslun	900 Vestmannaeyjar	15-okt-2001
Hellugerðin ehf.	900 Vestmannaeyjar	15-okt-2001
Kinn – fiskverkun ehf.	900 Vestmannaeyjar	15-okt-2001
Steypustöð Vestmannaeyja ehf.	900 Vestmannaeyjar	15-okt-2001
Þór vélaverkstæði ehf.	900 Vestmannaeyjar	15-okt-2001
Málarinn	900 Vestmannaeyjar	15-okt-2001
IB Innflutningsmiðlun	800 Selfoss
Sauðholt, vatnsveita, Bisk	801 Selfoss
Ecoline ehf.	810 Hveragerði
Landsvikjun v/Steingrímsstöð	103 Reykjavík
Landsvikjun v/Ljósifoss	103 Reykjavík
Landsvirkjun v/Írafoss	103 Reykjavík
Landsvirkjun v/Búrfell	103 Reykjavík
Landsvirkjun v/Sultartangi	103 Reykjavík
Landsvirkjun v/Sigöldu	103 Reykjavík
Landsvirkjun v/Hrauneyjar	103 Reykjavík

Starfsleyfin samþykkt án athugasemda.

Varðandi starfsleyfi fyrir starfsemi sama eig/rekstraraðila skal á það bent að nauðsynlegt er fyrir hverja starfsstöð að hafa sér starfsleyfi eins og m.a. kemur fram í gjaldskrá embættisins.

4)     Tóbakssöluleyfi til kynningar og afgreiðslu

Nafn	Póstfang	Tóbakssöluleyfi
Hótel Geysir	801 SELFOSS	14-sep-2001
Vala, matvöruverslun	801 SELFOSS	14-sep-2001

Samþykkt

5)      Yfirlit eftirlits frá síðasta fundi.

Elsa Ingjaldsdóttir yfirfór gang eftirlits síðasta mánaðar og greindi frá stöðunni varðandi fjölda heimsóttra fyrirtækja og annara atriða í heilbrigðiseftirliti.

6)      Samþykkt um sorphirðu.

Lögð fram til umfjöllunar samþykkt um sorphirðu í Mýrdalshreppi.

Samþykktin þarfnast lagfæringar á orðalagi og vísunar í rétt lög. Framkvæmdastjóra falið að gera þær breytingar sem þarf í samvinnu við Mýrdalshrepp.

Að öðru leiti samþykkt samhljóða.

7)      Bréf Skipulags– og byggingafulltrúa Vestmannaeyja dags. 5/10/01 um ósk um breytingu á viðmiðunarreglum um hávaðatakmarkanir.

Elsa Ingjaldsdóttir fór yfir aðdraganda málsins og útskýrði gögn málsins.

Framkvæmdastjóra falið að svara erindinu í samræmi við vilja nefndarinnar og starfsmönnum falið að vinna með viðkomandi fyrirtækjum að úrlausn mála.

8)      Mál til upplýsinga og kynningar.

Stefnumótunarvinna Heilbrigðiseftirlits Suðurlands.

Elsa Ingjaldsdóttir lagði fram punkta varðandi gang stefnumótunarvinnunnar.

Ákveðið að boða Þórð Óskarsson á næsta fund nefndarinnar til að kynna stefnumótunina og á undirbúningsvinnu þá að vera lokið.

9)      Starfsmannamál

Heimir Hafsteinsson fór yfir starfsmannamál.

Var formanni falið að ganga formlega frá starfslokasamningi fyrir mánaðarmót.

Ákveðið að auglýsa stöðu framkvæmdastjóra við Heilbrigðiseftirlit Suðurlands laust til umsóknar.

10)  Önnur mál.

a)    Pétur Skarphéðinsson greindi frá fundi með Sóttvarnarlækni v/miltisbrands. Kom fram að efla á forvarnir v/hugsanlegrar smithættu.

b)    Heimir Hafsteinsson talaði um sundlaugastaði og öryggisþætti þeirra. Fram kom að fyrirhugað er að halda námskeið/fræðslu fyrir starfsfólk og rekstraraðila sundlauga á vegum Heilbrigðiseftirlitsins næsta vor.

Fleira ekki gert og fundi slitið kl. 16.30

Heimir Hafsteinsson
Íris Þórðardóttir 
Sesselja Pétursdóttir
Svanborg Egilsdóttir
Pétur Skarphéðinsson
Gunnar Þorkelsson
Elsa Ingjaldsdóttir
Þorvarður Hjaltason